Madaxweynaha kooxda sporting CP oo si rasmi ah uga hadlay arinta ku saabsan mustaqbalka viktor Gyokeres

Madaxweynaha kooxda Sporting CP, Frederico Varandas, ayaa si rasmi ah u cadeeyay mowqifka kooxda ee ku saabsan mustaqbalka Viktor Gyökeres, kaasoo si weyn loola xiriirinayo kooxaha waaweyn ee Yurub. Qodobada ugu muhiimsan ee kasoo baxay go’aanka rasmiga ah waa sidan:

✅️ Go’aanka Sporting CP:

Gyökeres waxaa la siiyay “extra time” ilaa 7-da Luulyo 2025, si uu u helo fursad uu ku xalliyo arrimihiisa suuqa kala iibsiga.

Inta lagu jiro waqtigan, waxaa loo oggolaaday inuu ka maqnaado tababarka kooxda si uu si buuxda diiradda u saaro suurtagalnimada uu uga tagayo kooxda.

Gyökeres ayaa si cad u sheegay inuusan kusoo laaban doonin tababarka kooxda ilaa iyo inta arrintiisa suuqa kala iibsiga laga xalinayo.

Ciyaaryahanka iyo wakiilkiisa ayaa ka cabanaya in Sporting ay diidan tahay qiime hoose oo laga bixiyo, inkastoo uu jiro "ballan" ay sheegayaan inuu kooxda kala dhexeysay.

Waxa uu sheegay in uu u baahan yahay in kooxda la oggolaato dalabyo hooseeya (qiyaastii €60m–€70m), halka Sporting ay wali u taagan tahay in qiime sare loo baahan yahay (ku dhowaad €100m ama wax u dhaw).

Madaxweynaha Sporting, Varandas, ayaa ku tilmaamay hadallada Gyökeres iyo wakiilkiisa kuwo aflagaado iyo hanjabaad u eg, isagoo sheegay in kooxda aysan marnaba oggolaan doonin in lagu cadaadiyo.

Waxa uu sidoo kale hoosta ka xariiqay in aysan jirin “gentleman’s agreement” – taasoo Viktor ku andacoonayay inuu la galay kooxda marka uu saxiixayay.

Viktor wuxuu haystaa ilaa 7-da Luulyo si uu u keeno dalab rasmi ah oo qancin kara kooxda.

Haddii uu dalabkani imaan waayo, Sporting waxay ka filanayaan in Viktor uu dib ugu soo laabto tababarka kooxda – inkastoo ciyaaryahanka uu ku adkeysanayo inuusan kusoo laaban doonin haddii la waayo xal degdeg ah.

🔴Gunaanad:

Sporting CP waxay si cad u muujisay in aysan la shaqeyn doonin cadaadis iyo buuq suuqa ah, halka Gyökeres uu doonayo in si degdeg ah looga oggolaado inuu u wareego koox weyn, sida Arsenal ama Manchester United. Dhinacyadu waxay ku jiraan xaalad kacsan, balse waqtiga la siiyay Viktor ayaa noqon kara fursad ugu dambeysa oo lagu gaaro heshiis rasmi ah.