Trant alexander arnold oo ugu dambeeyn si rasmi ah lasoo bandhigay ku biiridiisa kooxda ee real madrid

Trent Alexander-Arnold ayaa si rasmi ah ugu biiray kooxda Real Madrid, isagoo ka tagay Liverpool kadib 20 sano oo uu ku jiray kooxda. Heshiiska ayaa ah mid muddo dheer ah, waxaana lagu soo bandhigay inuu xirayo lambarka 12 ee kooxda. Lambarkan ayaa horey u xiray Marcelo, waxaana sidoo kale loo arkaa mid leh macno taariikhi ah. Sababta uu u doortay lambarkan ayaa ah in xeerarka La Liga ay mamnuucayaan in ciyaartoyda kooxda koowaad ay xiraan lambarka ka weyn 25, taasoo ka dhigaysa inuu ka tago lambarkiisii caanka ahaa ee 66 ee uu ku xirayay Liverpool .

Alexander-Arnold ayaa sidoo kale magaca "Trent" ku qoran doona shaatiyadiisa halkii uu ka isticmaali lahaa magaca buuxa ee "Alexander-Arnold". Isaga oo 26 jir ah, waxa uu ku biiray kooxda iyadoo heshiiska shaqsiga ah uu socon doono shan sano .

Real Madrid ayaa bixisay £10 milyan si ay heshiiska ugu dhammeystiraan ka hor inta aan uu dhicin heshiiskiisa Liverpool ee bisha Juun 30, taasoo u oggolaaneysa inuu ka qeyb galo Koobka Adduunka ee Kubadda Cagta ee FIFA ee 2025 .

Heshiiskan ayaa sidoo kale muhiim u ah qorshaha kooxda ee Koobka Adduunka ee Kubadda Cagta ee FIFA ee 2025, iyadoo ciyaaryahanku uu ka qeyb qaadan doono tartankan muhiimka ah.